Tibbiy yoʻsindagi majburlov choralarini qoʻllash toʻgʻrisidagi ishni surishtiruvchi, tergovchi uni sudga oshirish toʻgʻrisidagi qaror bilan birga prokurorga oʻtkazadi.

(573-moddaning birinchi qismi Oʻzbekiston Respublikasining 2017-yil 6-sentabrdagi OʻRQ-442-sonli Qonuni tahririda — OʻR QHT, 2017-y., 36-son, 943-modda)

Prokuror ish bilan tanishib chiqib, quyidagi qarorlardan birini qabul qiladi:

1) ushbu Kodeksning 83 va 84-moddalarida, (84-moddaning birinchi qismi 2-bandi bundan mustasno) nazarda tutilgan asoslarga koʻra ishni tugatish;

(573-modda ikkinchi qismining 1-bandi Oʻzbekiston Respublikasining 2008-yil 22-dekabrdagi OʻRQ-193-sonli Qonuni tahririda — OʻR QHT, 2008-y., 52-son, 509-modda)

2) qoʻshimcha tergov oʻtkazish uchun ishni surishtiruvchiga, tergovchiga qaytarish;

(573-modda ikkinchi qismining 2-bandi Oʻzbekiston Respublikasining 2017-yil 6-sentabrdagi OʻRQ-442-sonli Qonuni tahririda — OʻR QHT, 2017-y., 36-son, 943-modda)

3) qarorni tasdiqlab ishni sudga oshirish yoxud amnistiya aktiga asosan jinoyat ishini tugatish toʻgʻrisida sudga iltimosnoma kiritish.

(573-modda ikkinchi qismining 3-bandi Oʻzbekiston Respublikasining 2008-yil 22-dekabrdagi OʻRQ-193-sonli Qonuni tahririda — OʻR QHT, 2008-y., 52-son, 509-modda)