Jinoyat ishi jinoyat sodir etilgan joydagi sudda koʻriladi.

Jinoyat sodir etilgan joyni aniqlash imkoniyati boʻlmasa, ish dastlabki tergov yoki surishtiruv tamom boʻlgan hududdagi sud tomonidan koʻriladi.

(391-moddaning ikkinchi qismi Oʻzbekiston Respublikasining 2017-yil 6-sentabrdagi OʻRQ-442-sonli Qonuni tahririda — OʻR QHT, 2017-y., 36-son, 943-modda)

Uzoqqa choʻzilgan yoki davomli jinoyatlarga doir ishlar jinoyat qaysi hududda tamomlangan yoki toʻxtatilgan boʻlsa, shu hududdagi sudning sudloviga tegishli boʻladi.