Maʼmuriy huquqbuzarlik toʻgʻrisidagi ish barcha fuqarolarning jinsi, irqi, millati, tili, dini, eʼtiqodi, ijtimoiy kelib chiqishi, ijtimoiy mavqeyidan qatʼi nazar, qonun oldida va shu ishni koʻrib chiquvchi organ (mansabdor shaxs) oldida tengligi asosida koʻrib chiqiladi.

(272-moddaning matni Oʻzbekiston Respublikasining 2024-yil 20-sentabrdagi OʻRQ-963-sonli Qonuni tahririda — Qonunchilik maʼlumotlari milliy bazasi, 21.09.2024-y., 03/24/963/0735-son)