Dezertirlik, yaʼni harbiy xizmatdan butunlay boʻyin tovlash maqsadida harbiy qism yoki xizmat joyini oʻzboshimchalik bilan tashlab ketish, shuningdek, shu maqsadda xizmat joyiga yetib kelmaslik —
besh yilgacha ozodlikdan mahrum qilish bilan jazolanadi.
Oʻsha qilmish ofitserlar tarkibidan boʻlgan shaxs yoki harbiy xizmatni kontrakt (shartnoma) boʻyicha oʻtayotgan harbiy xizmatchi tomonidan sodir etilgan boʻlsa, —
(288-modda ikkinchi qismining dispozitsiyasi Oʻzbekiston Respublikasining 2009-yil 22-dekabrdagi OʻRQ-238-sonli Qonuni tahririda — OʻR QHT, 2009-y., 52-son, 553-modda)
besh yildan oʻn yilgacha ozodlikdan mahrum qilish bilan jazolanadi.