Oʻn sakkiz yoshga toʻlmasdan jinoyat sodir etgan shaxslarga quyidagi asosiy jazolar qoʻllanilishi mumkin:

a) jarima;

a¹) majburiy jamoat ishlari;

(81-modda Oʻzbekiston Respublikasining 2017-yil 29-martdagi OʻRQ-421-sonli Qonuniga asosan “a¹” band bilan toʻldirilgan — OʻR QHT, 2017-y., 13-son, 194-modda)

b) axloq tuzatish ishlari;

(81-moddaning “v” bandi Oʻzbekiston Respublikasining 2017-yil 29-martdagi OʻRQ-421-sonli Qonuniga asosan chiqarilgan — OʻR QHT, 2017-y., 13-son, 194-modda)

v¹) ozodlikni cheklash;

(81-modda Oʻzbekiston Respublikasining 2015-yil 10-avgustdagi OʻRQ-389-sonli Qonuniga asosan “v¹” band bilan toʻldirildi — OʻR QHT, 2015-y., 32-son, 425-modda)

g) ozodlikdan mahrum qilish.

Oʻn sakkiz yoshga toʻlmasdan jinoyat sodir etgan shaxslarga nisbatan qoʻshimcha jazolar tayinlanishi mumkin emas.