Birinchi darajali budjet mablagʻlarini taqsimlovchi uchun Oʻzbekiston Respublikasi respublika budjetidan ajratiladigan mablagʻlarni boshqa birinchi darajali budjet mablagʻlarini taqsimlovchiga oʻtkazish (bundan ushbu moddaning ikkinchi qismida koʻrsatilgan hollar mustasno):
10 va undan ortiq foiz miqdorda Oʻzbekiston Respublikasi Hisob palatasi xulosasi asosida Oʻzbekiston Respublikasi Oliy Majlisining palatalari tomonidan;
(145-modda birinchi qismining ikkinchi xatboshisi Oʻzbekiston Respublikasining 2021-yil 28-dekabrdagi OʻRQ-740-sonli Qonuni tahririda — Qonunchilik maʼlumotlari milliy bazasi, 29.12.2021-y., 03/21/740/1209-son)
10 foizdan kam miqdorda Oʻzbekiston Respublikasi Iqtisodiyot va moliya vazirligining taklifi asosida Oʻzbekiston Respublikasi Vazirlar Mahkamasi tomonidan amalga oshiriladi.
(145-modda birinchi qismining uchinchi xatboshisi Oʻzbekiston Respublikasining 2025-yil 25-dekabrdagi OʻRQ-1107-sonli Qonuni tahririda — Qonunchilik maʼlumotlari milliy bazasi, 26.12.2025-y., 03/25/1107/1216-son)
Oʻzbekiston Respublikasining Davlat budjeti toʻgʻrisidagi Qonunga muvofiq birinchi darajali budjet mablagʻlari taqsimlovchilarga Oʻzbekiston Respublikasi respublika budjetidan ajratiladigan mablagʻlar tarkibida nazarda tutilgan qayta taqsimlanadigan mablagʻlar birinchi darajali budjet mablagʻlarini taqsimlovchilar uchun Oʻzbekiston Respublikasi respublika budjetidan ajratiladigan mablagʻlarni, shuningdek Davlat maqsadli jamgʻarmalariga, Oʻzbekiston Respublikasi Tiklanish va taraqqiyot jamgʻarmasiga, Qoraqalpogʻiston Respublikasi budjeti, viloyatlar va Toshkent shahar mahalliy budjetlariga beriladigan budjetlararo transfertlarni koʻpaytirish orqali Oʻzbekiston Respublikasi Iqtisodiyot va moliya vazirligi tomonidan qayta taqsimlanadi. Bunda qayta taqsimlangan mablagʻlar hisobidan mablagʻlarni yoʻnaltirish Oʻzbekiston Respublikasining Davlat budjeti toʻgʻrisidagi Qonunga oʻzgartirishlar kiritilmasdan amalga oshiriladi.
(145-moddaning ikkinchi qismi Oʻzbekiston Respublikasining 2025-yil 25-dekabrdagi OʻRQ-1107-sonli Qonuni tahririda — Qonunchilik maʼlumotlari milliy bazasi, 26.12.2025-y., 03/25/1107/1216-son)
Birinchi darajali budjet mablagʻlarini taqsimlovchilar uchun ajratilgan budjet mablagʻlari doirasida bir ikkinchi darajali budjet mablagʻlarini taqsimlovchi uchun ajratilgan mablagʻlarni boshqa ikkinchi darajali budjet mablagʻlarini taqsimlovchiga oʻtkazish:
10 va undan ortiq foiz miqdorda birinchi darajali budjet mablagʻlarini taqsimlovchi tomonidan Oʻzbekiston Respublikasi Iqtisodiyot va moliya vazirligi bilan kelishgan holda;
(145-modda uchinchi qismining ikkinchi xatboshisi Oʻzbekiston Respublikasining 2025-yil 25-dekabrdagi OʻRQ-1107-sonli Qonuni tahririda — Qonunchilik maʼlumotlari milliy bazasi, 26.12.2025-y., 03/25/1107/1216-son)
10 foizdan kam miqdorda tegishli birinchi darajali budjet mablagʻlarini taqsimlovchi tomonidan amalga oshiriladi.
(145-modda uchinchi qismining uchinchi xatboshisi Oʻzbekiston Respublikasining 2025-yil 25-dekabrdagi OʻRQ-1107-sonli Qonuni tahririda — Qonunchilik maʼlumotlari milliy bazasi, 26.12.2025-y., 03/25/1107/1216-son)
Obyektlarni loyihalashtirish, qurish (rekonstruksiya qilish) va jihozlash uchun kapital qoʻyilmalarni amalga oshirish uchun nazarda tutilgan mablagʻlarni joriy xarajatlarga yoʻnaltirish taqiqlanadi.
(145-moddaning matni Oʻzbekiston Respublikasining 2019-yil 9-dekabrdagi OʻRQ-590-sonli Qonuni tahririda — Qonun hujjatlari maʼlumotlari milliy bazasi, 10.12.2019-y., 03/19/590/4129-son)
Oʻzbekiston Respublikasi Vazirlar Mahkamasining zaxira jamgʻarmasidan mablagʻlarni ajratish hamda birinchi darajali budjet mablagʻlarini taqsimlovchilarni qayta tashkil etish Davlat budjeti toʻgʻrisidagi Qonunga oʻzgartirishlar kiritilmasdan amalga oshiriladi.
(145-modda Oʻzbekiston Respublikasining 2020-yil 30-dekabrdagi OʻRQ-660-sonli Qonuniga asosan beshinchi qism bilan toʻldirilgan — Qonun hujjatlari maʼlumotlari milliy bazasi, 31.12.2020-y., 03/20/660/1682-son)
(146-modda Oʻzbekiston Respublikasining 2019-yil 9-dekabrdagi OʻRQ-590-sonli Qonuniga asosan chiqarilgan — Qonun hujjatlari maʼlumotlari milliy bazasi, 10.12.2019-y., 03/19/590/4129-son)