Budjet ssudalari va kredit liniyalari rezident-yuridik shaxslarga Oʻzbekiston Respublikasi Vazirlar Mahkamasining qarorlari asosida berilishi (ochilishi) mumkin.
Rezident-yuridik shaxslarga budjet ssudalari va kredit liniyalari Oʻzbekiston Respublikasi Markaziy banki asosiy stavkasining 50 foizidan kam boʻlmagan miqdordagi foiz stavkalari boʻyicha beriladi.
Rezident-yuridik shaxslarga budjet ssudalarini va kredit liniyalarini chet el valyutasida berish taqiqlanadi.
(158-modda Oʻzbekiston Respublikasining 2021-yil 28-dekabrdagi OʻRQ-740-sonli Qonuniga asosan ikkinchi va uchinchi qismlar bilan toʻldirilgan — Qonunchilik maʼlumotlari milliy bazasi, 29.12.2021-y., 03/21/740/1209-son)
Budjet ssudalari budjet tashkilotlariga bevosita Oʻzbekiston Respublikasi Iqtisodiyot va moliya vazirligi tomonidan beriladi.
(158-moddaning toʻrtinchi qismi Oʻzbekiston Respublikasining 2025-yil 25-dekabrdagi OʻRQ-1107-sonli Qonuni tahririda — Qonunchilik maʼlumotlari milliy bazasi, 26.12.2025-y., 03/25/1107/1216-son)
Kredit liniyalari Oʻzbekiston Respublikasi Iqtisodiyot va moliya vazirligi tomonidan rezident-yuridik shaxslarga ularga xizmat koʻrsatadigan tijorat banklari orqali, shuningdek bevosita tijorat banklariga ochiladi.
(158-moddaning beshinchi qismi Oʻzbekiston Respublikasining 2025-yil 25-dekabrdagi OʻRQ-1107-sonli Qonuni tahririda — Qonunchilik maʼlumotlari milliy bazasi, 26.12.2025-y., 03/25/1107/1216-son)