Davlat moliyaviy nazorati taftish, tekshirish (shu jumladan budjet toʻgʻrisidagi qonunchilikning avvalgi taftishda yoki tekshirishda aniqlangan buzilishi hollarini bartaraf etish yuzasidan nazorat tartibidagi tekshirish) va oʻrganish shaklida amalga oshiriladi.
(173-moddaning birinchi qismi Oʻzbekiston Respublikasining 2021-yil 21-apreldagi OʻRQ-683-sonli Qonuni tahririda — Qonunchilik maʼlumotlari milliy bazasi, 21.04.2021-y., 03/21/683/0375-son)
Davlat moliyaviy nazoratining turlari quyidagi:
dastlabki nazorat — moliyaviy operatsiyalar bajarilguniga qadar gʻaznachilik boʻlinmalari, iqtisodiyot va moliya organlari hamda Oʻzbekiston Respublikasi Hisob palatasi tomonidan amalga oshiriladigan;
(173-modda ikkinchi qismining ikkinchi xatboshisi Oʻzbekiston Respublikasining 2025-yil 25-dekabrdagi OʻRQ-1107-sonli Qonuni tahririda — Qonunchilik maʼlumotlari milliy bazasi, 26.12.2025-y., 03/25/1107/1216-son)
joriy nazorat — moliyaviy operatsiyalar bajarilishi jarayonida gʻaznachilik boʻlinmalari, iqtisodiyot va moliya organlari hamda davlat soliq xizmati organlari tomonidan amalga oshiriladigan;
(173-modda ikkinchi qismining uchinchi xatboshisi Oʻzbekiston Respublikasining 2025-yil 25-dekabrdagi OʻRQ-1107-sonli Qonuni tahririda — Qonunchilik maʼlumotlari milliy bazasi, 26.12.2025-y., 03/25/1107/1216-son)
yakuniy nazorat — moliyaviy operatsiyalar bajarilganidan soʻng ushbu Kodeksning 171-moddasida koʻrsatilgan davlat moliyaviy nazorat organlari tomonidan amalga oshiriladigan nazoratlardir.
Davlat moliyaviy nazoratining usullari quyidagilardir:
hujjatlarni tekshirish hajmiga qarab:
yoppasiga nazorat — tekshirilayotgan davr uchun barcha buxgalteriya, moliya, statistika, bank hujjatlari va boshqa hujjatlarni nazorat qilish;
tanlov asosidagi nazorat — muayyan davr uchun buxgalteriya, moliya, statistika, bank hujjatlari va boshqa hujjatlarning ayrim qismlarini nazorat qilish;
nazoratning maqsadga yoʻnaltirilganligi va predmetiga qarab:
kompleks nazorat — davlat moliyaviy nazorati obyektining muayyan davr uchun moliyaviy-xoʻjalik faoliyatining barcha yoʻnalishlarini nazorat qilish;
(173-modda uchinchi qismining oltinchi xatboshisi Oʻzbekiston Respublikasining 2020-yil 17-martdagi OʻRQ-612-sonli Qonuni tahririda — Qonun hujjatlari maʼlumotlari milliy bazasi, 18.03.2020-y., 03/20/612/0326-son)
mavzuli nazorat — davlat moliyaviy nazorati obyektining muayyan davr uchun ayrim masalalar boʻyicha faoliyatini nazorat qilish;
(173-modda uchinchi qismining yettinchi xatboshisi Oʻzbekiston Respublikasining 2020-yil 17-martdagi OʻRQ-612-sonli Qonuni tahririda — Qonun hujjatlari maʼlumotlari milliy bazasi, 18.03.2020-y., 03/20/612/0326-son)
muqobil nazorat — operatsiyalar yagonaligi bilan oʻzaro bogʻliq boʻlgan va turli davlat moliyaviy nazorati obyektlarida turgan hujjatlarni solishtirishni oʻz ichiga olgan tekshirish, bundan tadbirkorlik subyektlari mustasno.
(173-modda uchinchi qismining sakkizinchi xatboshisi Oʻzbekiston Respublikasining 2020-yil 17-martdagi OʻRQ-612-sonli Qonuni tahririda — Qonun hujjatlari maʼlumotlari milliy bazasi, 18.03.2020-y., 03/20/612/0326-son)