Davlat xaridlari tovarlarni (ishlarni, xizmatlarni) yetkazib beruvchilarning raqobati va ochiqlikni taʼminlash asosida amalga oshiriladi.
Davlat xaridlari amalga oshirilishi va ularning yakunlari toʻgʻrisidagi eʼlonlar belgilangan tartibda operatorning maxsus axborot portalida joylashtirilishi kerak.
(121-moddaning ikkinchi qismi Oʻzbekiston Respublikasining 2018-yil 24-dekabrdagi OʻRQ-508-sonli Qonuni tahririda — Qonun hujjatlari maʼlumotlari milliy bazasi, 25.12.2018-y., 03/18/508/2365-son — 2019-yil 1-yanvardan kuchga kiradi)
Davlat xaridlari amalga oshirilishi toʻgʻrisidagi eʼlonlarni maxsus axborot portalida joylashtirish joriy moliya yilining 10-dekabridan kechiktirmasdan amalga oshiriladi.
(121-moddaning uchinchi qismi Oʻzbekiston Respublikasining 2018-yil 24-dekabrdagi OʻRQ-508-sonli Qonuni tahririda — Qonun hujjatlari maʼlumotlari milliy bazasi, 25.12.2018-y., 03/18/508/2365-son — 2019-yil 1-yanvardan kuchga kiradi)
Raqobat va ochiqlik cheklangan holdagi davlat xaridlari qonunchilikda nazarda tutilgan hollarda amalga oshirilishi mumkin.
(121-moddaning toʻrtinchi qismi Oʻzbekiston Respublikasining 2021-yil 21-apreldagi OʻRQ-683-sonli Qonuni tahririda — Qonunchilik maʼlumotlari milliy bazasi, 21.04.2021-y., 03/21/683/0375-son)