Сервитут қуйидаги ҳолларда бекор қилиниши мумкин:
сервитут иштирокчиларининг ўзаро келишувига кўра;
ер эгасининг, ердан фойдаланувчининг, ер участкалари ижарачиси ва мулкдорининг ёки сервитут кимнинг манфаатларини кўзлаб белгиланган бўлса, ўша шахснинг асосланган талабига кўра;
сервитутдан узоқ муддат (камида уч йил) фойдаланилмаганда;
сервитутнинг амал қилиш муддати тугаганда;
агар сервитут белгилаш учун сабаб бўлиб хизмат қилган асослар ўз аҳамиятини йўқотган бўлса;
қонунда назарда тутилган бошқа асосларга кўра.
Сервитутни бекор қилиш тўғрисида сервитут иштирокчилари ўртасида келишувга эришилмаган тақдирда, сервитут суд томонидан бекор қилиниши мумкин.