(49-модданинг номи Ўзбекистон Республикасининг 2024 йил 8 ноябрдаги ЎРҚ-995-сонли Қонуни таҳририда — Қонунчилик маълумотлари миллий базаси, 11.11.2024 й., 03/24/995/0908-сон — Кучга кириш санаси — 2025 йил 12 февраль)

Қишлоқ хўжалиги кооперативи — қишлоқ хўжалиги фаолиятини амалга ошириш учун пай усулига, жисмоний ва (ёки) юридик шахсларнинг ихтиёрий равишда бирлашишига асосланган мустақил тижорат ташкилоти.

(49-модданинг биринчи қисми Ўзбекистон Республикасининг 2024 йил 8 ноябрдаги ЎРҚ-995-сонли Қонуни таҳририда — Қонунчилик маълумотлари миллий базаси, 11.11.2024 й., 03/24/995/0908-сон — Кучга кириш санаси — 2025 йил 12 февраль)

(49-модданинг иккинчи қисми Ўзбекистон Республикасининг 2024 йил 8 ноябрдаги ЎРҚ-995-сонли Қонунига асосан чиқарилиш санаси 2025 йил 12 февраль — Қонунчилик маълумотлари миллий базаси, 11.11.2024 й., 03/24/995/0908-сон)

Қишлоқ хўжалиги корхоналари, муассасалари ва ташкилотлари қонунчиликда назарда тутилган бошқа ташкилий-ҳуқуқий шаклларда (хўжалик жамиятлари ҳамда ширкатлари шаклида) ҳам тузилиши мумкин.

(49-модданинг иккинчи қисми Ўзбекистон Республикасининг 2025 йил 7 февралдаги ЎРҚ-1025-сонли Қонуни таҳририда — Қонунчилик маълумотлари миллий базаси, 07.02.2025 й., 03/25/1025/0116-сон. Кучга кириш санаси — 2025 йил 8 май)

Қишлоқ хўжалиги кооперативларига ва бошқа қишлоқ хўжалиги корхоналари, муассасалари ҳамда ташкилотларига қишлоқ хўжалиги ишлаб чиқаришини юритиш мақсадида ер участкалари берилади, мазкур ер участкаларидан оқилона ва самарали фойдаланилган тақдирда эса улар ижарага қўшимча ер участкалари олиши мумкин.

(49-модданинг учинчи қисми Ўзбекистон Республикасининг 2024 йил 8 ноябрдаги ЎРҚ-995-сонли Қонуни таҳририда — Қонунчилик маълумотлари миллий базаси, 11.11.2024 й., 03/24/995/0908-сон — Кучга кириш санаси — 2025 йил 12 февраль)

Қишлоқ хўжалиги кооперативларига ва бошқа қишлоқ хўжалиги корхоналари, муассасалари ҳамда ташкилотларига берилган ерлар жамоат эгалигидаги ерлардан ва фуқароларга деҳқон хўжалигини юритиш учун берилган ерлардан иборат бўлади ҳамда улардан фақат рухсат этилган фойдаланишнинг асосий турига мувофиқ фойдаланилади.

(49-модданинг тўртинчи қисми Ўзбекистон Республикасининг 2025 йил 5 майдаги ЎРҚ-1061-сонли Қонуни таҳририда — Қонунчилик маълумотлари миллий базаси, 05.05.2025 й., 03/25/1061/0409-сон)

Қишлоқ хўжалигига мўлжалланган ерлар қишлоқ хўжалиги кооперативларига, қишлоқ хўжалиги корхоналари, муассасалари ва ташкилотларига электрон онлайн-аукцион орқали берилади. Ер участкасининг ижара шартномаси қишлоқ хўжалиги кооперативи раиси, бошқа қишлоқ хўжалиги корхонаси, муассасаси, ташкилоти раҳбари билан туман ҳокими ўртасида тузилади. Ер участкаларини олган қишлоқ хўжалиги корхоналари, муассасалари ва ташкилотларига Кўчмас мулк объектларига бўлган ҳуқуқларнинг давлат реестридан электрон кўчирма берилади.

(49-модданинг бешинчи қисми Ўзбекистон Республикасининг 2024 йил 8 ноябрдаги ЎРҚ-995-сонли Қонуни таҳририда — Қонунчилик маълумотлари миллий базаси, 11.11.2024 й., 03/24/995/0908-сон — Кучга кириш санаси — 2025 йил 12 февраль)

Қишлоқ хўжалиги кооперативлари ва бошқа қишлоқ хўжалиги корхоналари, муассасалари ҳамда ташкилотларининг ер участкаларига бўлган ҳуқуқи улар уюшмалар ва бошқа агросаноат бирлашмалари таркибига кирганида сақланиб қолади.

(49-модданинг олтинчи қисми Ўзбекистон Республикасининг 2024 йил 8 ноябрдаги ЎРҚ-995-сонли Қонуни таҳририда — Қонунчилик маълумотлари миллий базаси, 11.11.2024 й., 03/24/995/0908-сон — Кучга кириш санаси — 2025 йил 12 февраль)